Kurdistan
دەست بەسەرکردنی دوو تازەلاوی خەڵکی کامیاران سەر بە پارێزگای سنە لەلایەن هێزەکانی وەزارەتی ئیتلاعات ئێران ەوە
ڕۆژی شەممە ٢٠ی بەفرانبار، دوو تازەلاو بە ناوەکانی ئارتین نەدیمی و ماردین نەدیمی، دوو برای دوانەی تەمەن ١٩ ساڵ، خەڵکی گوندی گازرخانی و دانیشتووی شاری کامیاران، لەلایەن هێزە حکوومییەکانی سەر بە وەزارەتی ئیتلاعاتەوە دەست بەسەر کران.
بەگوێرەی ئەو زانیارییانەی دەست کەوتوون، ئەو دوو هاووڵاتییە بەبێ فەرمانی دادوەری دەستگیرکراون و تا ئێستا هیچ زانیارییەک لەسەر شوێن و بارودۆخیان نییە. خێزان و کەس وکاری ئەو دوو برایە تا ئێستا لە چارەنووسیان بێ ئاگان.