مەهاباد/ لە ڕووداوێکی هاتووچۆدا هەشت کەس گیانیان لەدەستدا
پەیامی کورد... مەهاباد/ لە ڕووداوێکی هاتووچۆدا هەشت کەس گیانیان لەدەستدا
لە ڕووداوێکی هاتووچۆدا لەڕێگەی نێوان هەر دوو شاری مەهاباد-بۆکان هەشت کەس گیانیان لەدەستدا. لای خۆشیەوە بەڕێوەبەری ڕێکخراوی ئاگرکوژێنەوەی مەهاباد ڕایگەیاند، کاتژمێر چواری ئێوارەی ڕۆژی هەینی، تەلەفۆن بۆ بەشی فریاگوزاری ئەو ڕێکخراوە کراوە و هەواڵی پێکدادانی دوو ئۆتۆمبێل لەڕێگەی نێوان مەهاباد و بۆکانیان پێ داوە.
بەپێی وتەی پۆلیسی هاتووچۆی مەهاباد، پێنج لە سەرنشینانی هەر دوو ئۆتۆمبێلەکە گیانیان لەدەستداوە و پێنجی تریش بە سەختی بریندار بوون.
پۆلیسی هاتووچۆی مەهاباد باسی لەوە کردووە، شەوی ڕابردوو و بەیانی ئەمڕۆ سێ کەسی دیکە لە بریندارانی ڕووداوەکە لە نەخۆشخانەی مەهاباد گیانیان لەدەستداوە و ژمارەی مردووان بەرز بووەتەوە و گەیشتووەتە هەشت.
ساڵانە لە ئێران زیاتر لە ١٥ هەزار کەس بە ڕووداوی هاتووچۆ گیان لەدەستدەدەن. پۆلیسی هاتووچۆی ئەو وڵاتەش هۆکاری بەشێکی هۆکاری گیانلەدەستدانی هاووڵاتییان بۆ خراپی ڕێگاوبانەکان و پابەندنەبوونی هاووڵاتییان ڕێنماییەکانی هاتووچۆ دەگەڕێنێتەوە.