وەزارەتی دارایی و ئابووری هەرێمی کوردستان ڕوونکردنەوەیەکی گرینگ سەبارەت بە مووچە بڵاو دەکاتەوە

پەیامی کورد     ...   وەزارەتی دارایی و ئابووری هەرێمی کوردستان ڕوونکردنەوەیەکی گرینگ سەبارەت بە مووچە بڵاو دەکاتەوە

وه‌زاره‌تى دارایی و ئابووری هه‌رێمی كوردستان، روونكردنه‌وه‌یه‌كی سه‌باره‌ت به ‌مووچه‌ی هه‌ریه‌ك له‌به‌رێوبه‌رایه‌تیه‌كانی به‌نداوه‌كانی هه‌رێم و ره‌گه‌زنامه‌ بڵاوكرده‌وه‌.

ده‌قی روونكردنه‌وه‌كه‌ی وه‌زاره‌ت:

سەبارەت بە  مووچەی فەرمانبەرانی هەریەك لە بەڕێوبەرایەتییەكانی بەنداوەكانی هەرێم و رەگەزنامەی هەرێمی كوردستان. بە پێوستمان زانی بۆ هەموو لایەك ڕوون بكەینەوە كە:

1- كۆی گشتی تەمویلی (پارەداركردنی) پێویست بۆ مووچەی یەك مانگی  فەرمانبەرانی ڕەگەزنامەی هەرێمی كوردستان نزیكەی شەش ملیار و 250 ملیۆن دینار دەبێت.

2- لە كۆی ئەم بڕە پارەیە مانگانە حكوومەتی ناوەند نزیكەی ملیارێك و 862ملیۆن دینارى بۆ (4700) مووچەخۆری ڕەگەزنامەی هەرێمی ناردووە.

3- ئەو پارەیەش نزیكەی 25%ی مووچەی ئەو فەرمانبەرانە دەكات. واتە بە تەمویلی چوار مانگی بەغدا بۆ ئەم موچەخۆرانە تەنیا دەتوانرێت موچەی یەك مانگی پێ دابین بكرێت. 

4- سەرەڕای ئەمەش هەریەك لە مانگەكانی10- 11-12 ساڵی ڕابردوو لەگەڵ مانگی یەكی 2021 هیچ بڕە پارەیەك لە لایەن حكوومەتی فیدڕاڵەوە بۆ هەرێم نەنێردراوە تاوەكو مووچەی فەرمانبەرانی بەنداوەكان و ڕەگەزنامەی هەرێم دابەش بكرێت. 

5- بەدەر لەوانەش مانگی ڕابردوو حكوومەتی هەرێمی كوردستان بە بێ لێبڕین، موچەمان بۆ بەڕێوبەرایەتی ڕەگەزنامەی هەرێم دابینكردووە.

6- لە ئێستادا بەهۆی نەناردنی مووچەی ئەو بەڕێوبەراتیانە لایەن حكوومەتی فیدڕاڵەوە، حكوومەتی هەرێمی كوردستان بە ئامانجی دادپەروەری بۆ هەمووان بە هەمان میكانیزمی دابەشكردنی مووچەی فەرمانبەرانی هەرێمی كوردستان بڕیاریداوە، مووچەیان بەسەردا دابەش بكرێت.