پردێ/ هێزی پێشمەرگە پەلاماری داعشی تێکشکاند

پەیامی کورد … پردێ/ هێزی پێشمەرگە پەلاماری داعشی تێکشکاند

وەزارەتی پێشمەرگە ئاشكرای كرد، چەكدارانی داعش پەلاماری خاڵێكی پێشمەرگەیان لەسنوری پردێ داوە و هێرشەكە تێكشكێنراوە و هیچ زیانێك لە هێزەكانیان نەكەوتووە.

وەزارەتی پێشمەرگە لە راگەیەندراوێكدا بڵاویكردووەتەوە، كاتژمێر 10 و 30 خولەكی شەوی رابردوو  تیرۆریستانی داعش پەلاماری خاڵێكی فەوجی 2ی لیوای 10ی پیادەیان داوە.

ئەوەش هاتووە، هێرشەكە لە سنوری میحوەری پردێ – دبس بووە، بەڵام پێشمەرگە بەخێرایی لێیان هاتوونەتە دەست و راوەدوو نراون، خۆشبەختانە هیچ زیانێك بە پێشمەرگە نەگەیشتووە.

 هەر بەپێی راگەیەندراوەكە، ئەمە بۆ چەندین جارە داعش بۆشایی نێوان هێزی پێشمەرگەو سوپای عێراقی دەقۆزێتەوە بۆ پەلاماردانی هێزەكانی پێشمەرگە.