پارتی و یەکیتی لەسەر پرسی هەڵبژاردن کۆدەبنەوە
پەیامی کورد ... پارتی و یەکیتی لەسەر پرسی هەڵبژاردن کۆدەبنەوە
سەرۆکی فراکسیۆنی یەکێتی ، لە پەرلەمانی کوردستان ڕاگەیاند، پارتی و یەکیتی بۆ گفتوگۆکردنە لەسەر ھەمواری یاسای ھەڵبژاردن و کاراکردنەوەی کۆمیسیۆنی ھەڵبژاردن کۆدەبنەوە.
زیاد جەبار، سەرۆکی فراکسیۆنی یەکیتی لە پەرلەمانی کوردستان بە میدیای یەکێتی ڕاگەیاندووە، بڕیارە لە داھاتوویەکی نزیکدا یەکیتی نیشتمانی کوردستان و پارتی دیمۆکراتی کوردستان لەسەر ئاستی دەزگای ھەڵبژاردن و سەرۆکی فراکسیۆنەکان کۆببنەوە.
سەرۆک فراکسیۆنی یەکێتی ووتیشی: کۆبوونەوەکە بۆ گفتوگۆکردنە لەسەر ھەمواری یاسای ھەڵبژاردن و کاراکردنەوەی کۆمیسیۆنی ھەڵبژاردن و تاوتوێکردنی ئەو ماددانەی بۆچوونی جیاوازیان لەسەر ھەیە.ئەم کۆبوونەوەیە لەکاتێکدایە کە پێشتر دەزگای ھەڵبژاردنی ھەردوولا دووجار کۆبوونەتەوە، لەسەر ھەموارکردنەوەی یاسای ھەڵبژاردن و کاراکردنەوەی کۆمیسیۆن ھاوڕابوون، وەک میدیای یەکیتی بڵاویکردووەتەوە، سەبارەت بە پێکھاتەکان یەکیتی سوورە لەسەر ئەوەی پێکھاتەکان خاوەنی ئیرادەی خۆیان بن لە ھەڵبژاردندا.