سێهەمین هێرشی ئیسرائیل بۆ سەر سووریا لە ماوەی ٣ ڕۆژی ڕابردوو

پەیامی کورد   ...  سێهەمین هێرشی ئیسرائیل بۆ سەر سووریا لە ماوەی ٣ ڕۆژی ڕابردوو

٤ فڕۆکەخانەی سووریا کرایە ئامانج

سەرچاوەگەلی میدیایی ڕاپۆرتیان دا سیستەمی ئاسمانی ئەرتەشی سووریا بە ئامانجی دوژمنکارانە لە ئاسمانی حەمس بەرەنگاربوونەتەوە .

ئەمە سێهەمین هێرشی مووشەکی ئیسرائیل بۆ سەر سووریا لە ماوەی سێ ڕۆژی ڕابردووە ، دوو هێرشی پێشینی ڕۆژانی پێنجشەممە و هەینی لە ناوەندی شاری دیمەشق ئەنجام درا .

کەناڵی ئەلئەخبارییەی سووریا ڕایگەیاند : سیستەمی مووشەکی سووریا توانیویەتی ژمارەیەک لە مووشەکگەلی ئیسرائیلی لە ناو ببات . لەم هێرشەدا تەنیا زەرەر و زیانی ماددی ڕاپۆرت دراوە .

سەرچاوە و میدیاکانی ئیسرائیلی ڕایانگەیاندووە کە لە هێرشی سەر لە بەیانی ئەمڕۆ یەکشەممە مۆڵگەگەلی ئێرانی کراوەتە ئامانج .

بەگوێرەی بانگەشەی ماڵپەڕی عیبری "خدشووت سکووبیم"، لە هێرشەکەی ئەمڕۆی ئیسرائیل دا، 4 فڕۆکەخانە و بنکەیەک لە ناوەڕاستی سووریا کراونەتە ئامانج و ئەم هێرشە لە باکووری لوبنانەوە ئەنجامدراوە و ئاسمانی ووڵاتەکەی پێشێل کردووە.

1) فڕۆکەخانەی ئەلدەبا

2) فڕۆکەخانەی t4

3) فڕۆکەخانەی ئەلشەیرات

4) فڕۆکەخانەیەکی سەربازی کە گوایە حیزبۆڵڵای لوبنان بەکاری هێناوە

5) بنکەی سەربازی