بەپەلە ... دەزگای ئێستێخباراتی ئەمریکا بەرپرسی کوشتنی خاشقجی دەناسێنێت
ڕۆژنامەیەکی ئەمریکی نووسی کە دەزگای ئێستێخباراتی ئەم ووڵاتە گەیشتووەتە ئەو باوەڕە کە موحەمەد بن سەلمان ، وەلیعەهدی عەرەبستانی سەعوودی بەرپرسی کوشتنی ڕۆژنامەنووسی ڕەخنەگری سەعوودییە .
بە پێی ڕاپۆرتێک ، ڕۆژنامەی ئەمریکی نیۆیۆرک تایمز لە ڕاپۆرتێکدا نووسی دەزگا ئێستێخباراتییەکانی ئەمریکا گەیشتوونەتە ئەو باوەڕە هۆکاری زۆر بەهێز هەن کە نیشاندەری ئەم ڕاستییە کە وەلیعەهدی عەرەبستان بەرپرسی کوشتنی جەمال خاشقجی یە .
لە لایەکی دیکەوە " رۆدی جوولیانی " پارێزەری شەخسی دۆناڵد ترامپ گەیشتووەتە ئەم نەتیجەیەی کە عەرەبستان خاشقجی کوشتووە .
هەروەها ڕۆژنامەی واشینتۆن پۆست نووسی کۆشکی سپی و عەرەبستان لە هەوڵی ئەوەدان کە کوژرانی خاشقجی بە شیوازێک ڕوونکردنەوەی بۆ بکەن کە لە ئاکامدا بن سەلمان لەم بەڵایە نەجاتی ببێت .
جێگای ئاماژەیە ، جەمال خاشقجی ٢ی سێپتەمبەر بۆ ئەنجامدانی کارەکانی خۆی سەبارەت بە دۆسیەکانی دەچێتە کۆنسوڵخانەی عەرەبستان لە ئێستەنبوڵ و بە ووتەی دەزگیرانەکەی کە چاوەڕێ ئەوی کردووە ، چیتر لە بینایەکە نەهاتوەتە دەرەوە .بەرپرسانی سەعوودی دەڵێن ئەم نووسەر و ڕۆژنامەنووسە ٥٩ ساڵەیە لە کۆنسوڵخانە دەرچووە ، بەڵام بڵاوکراوەکان ڕاپۆرتی جۆربەجۆر لە سەر ئەوەی کە ئەو کوژراوە بڵاو کردوەتەوە .
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە