پەرلەمان بانگهێشتی وەزیری تەندرووستی هەرێمی کوردستان دەکات

پەیامی کورد    ...    پەرلەمان بانگهێشتی وەزیری تەندرووستی هەرێمی کوردستان دەکات

 سكرتێری په‌رله‌مانی كوردستان گوتی، ڕۆژی دووشه‌ممه‌ په‌رله‌مانی كوردستان كۆده‌بێته‌وه‌ و تێیدا میوانداری وه‌زیری ته‌ندرووستی ده‌كات بۆ ئه‌وه‌ی ڕوونكردنه‌وه‌ و زانیاری له‌باره‌ی نه‌خۆشی كۆرۆنا و ده‌ستپێكردنه‌وه‌ی ده‌وامی فه‌رمانگه‌كان بدات.

مونا قه‌هوه‌چی، سكرتێری په‌رله‌مانی كوردستان ڕایگەیاند : "دووشه‌ممه‌ی ئه‌م هه‌فته‌یه‌ په‌رله‌مانی كوردستان كۆبوونه‌وه‌ی ئاسایی خۆی ساز ده‌كات و له‌و كۆبوونه‌وه‌یەشدا میوانداری وه‌زیری ته‌ندرووستی حكوومه‌تی هه‌رێمی كوردستان كراوه‌.

سكرتێری په‌رله‌مانی كوردستان گوتیشی، "مه‌به‌ست له‌بانگهێشتكردنی وه‌زیری ته‌ندرووستی بۆ ئه‌وه‌یه‌ كه‌ ڕوونكردنه‌وه‌ و زانیاری پێویست بدات له‌باره‌ی نه‌خۆشی كۆرۆنا و ده‌ستپێكردنه‌وه‌ی ده‌وامی فه‌رمانگه‌كان، بۆ ئه‌وه‌ی بزانین دۆخی هه‌رێمی كوردستان له‌ئاست ئه‌و نه‌خۆشیه‌ چۆن تێپه‌ر ده‌بێت.