ئەمیرێکی داعش لە کەرکوک دەستگیرکرا

پەیامی کورد... ئەمیرێکی داعش لە کەرکوک دەستگیرکرا


شانەی راگەیاندنی ئەمنی عێراق دەستگیرکردنی ئەمیرێکی داعشی بە هاوکاری ئاسایشی هەرێم لە سنووری کەرکوک راگەیاند.

شانەی راگەیاندنی ئەمنی عێراق رایگەیاند:" بە پشتبەستن بە زانیاری ورد و بەدواداچوونی بەردەوام و بە هەماهەنگی لەگەڵ بەشی ئۆپەراسیۆنی ئاسایشی هەرێم، دەزگای دژەتیرۆری عێراق توانی تیرۆرستێک دەستگیربکات".

ئەوەشی خستەڕوو:" تیرۆرستەکە ناوی ئەبو بوخاریە و ئەمیری کەتیبەی بیانی رێکخراوی داعش بووە و لە سنووری پارێزگای کەرکوک دەستگیرکراوە، ئۆپەراسیۆنی دەستگیرکردنەکەشی لەسەر بنەمای رێنماییەکانی محەمەد شیاع سودانی فەرماندەی گشتی هێزە چەکدارەکان ئەنجامدراوە".