سەرۆک بارزانی پیرۆزبایی جەژنی رۆژووی ئێزی لە ئێزدییەکان دەکات

پەیامی کورد...سەرۆک بارزانی پیرۆزبایی جەژنی رۆژووی ئێزی لە ئێزدییەکان دەکات

سەرۆک بارزانی بەبۆنەی جەژنی رۆژووی ئێزی پەیامێکی پیرۆزبایی ئاراستەی ئێزدییەکان لە کوردستان و جیهان دەکات.

ئەمڕۆ پێنجشەممە 15/12/2022، سەرۆک بارزانی لە پەیامێکدا رایگەیاندووە: "بەبۆنەی هاتنەوەی جەژنی رۆژووی ئێزی پیرۆزباییەکی گەرم لە خوشک و برایانی ئێزیدی لە کوردستان و هەموو جیهان دەکەم".

دەشڵێت: "هیوادارم ئەم جەژنە ببێتە دەستپێکێکی تازە بۆ ئارامی و بەختەوەری تەواوی خوشک و برایانی ئێزیدی".

هەروەها سەرۆک بارزانی راشیگەیاندووە: "هەر بەم بۆنە پیرۆزە جەخت لە برایەتی و پەرەپێدانی فەرهەنگی پێکەوە ژیان و ئاشتیخوازی لەنێوان هەموو پێکهاتە ئایینی و نەتەوەییەکانی کوردستان دەکەینەوە".