دادگای فیدراڵی ئەنجامەکانی ھەڵبژاردنی پەسەند کرد

پەیامی کورد      ...   دادگای فیدراڵی ئەنجامەکانی ھەڵبژاردنی پەسەند کرد

رێپێدراوی پارتی دیموکراتی کوردستان بۆ ھەڵبژاردنەکان لە بەغدا ڕایدەگەێنێت، ئەمڕۆ دادگای فیدراڵی ئەنجامەکانی ھەڵبژاردنی پەسەند کرد و بڕیارە رۆژی ٢٦ی ئەم مانگە ووردەکارییەکان بە فەرمی رابگەێنێت.

ئیسماعیل سایەمیر،  ڕایگەیاند : ئەمڕۆ دادگای فیدراڵی کۆبووەوە و تێیدا ئەنجامەکانی ھەڵبژاردنەکانی پەرلەمانی عێراقی پەسەند کرد، بڕیاریشە ٢٦ی ئەم مانگە بە فەرمی ووردەکارییەوە رابگەێندرێن.

سایەمیر ووتیشی: "کە دادگا باسی لەوە کرد ٢٦ی مانگ ووردەکارییەکان رادەگەینن، واتا ئۆتۆماتیکی پەسەند کراوە، بۆیە رۆژی ٢٦ی مانگ دەردەکەوێت گۆڕانکارییەکان چین و ووردەکارییەکان چۆن بوونە ھەمووی بڵاو دەکرێتەوە، ئەوکاتیش دیار دەبێت کاردانەوەی لایەنەکان چۆن دەبێت".

دەشڵێ: "ئێمە لەبارەی وەرگرتنەوەی دوو کورسی بۆ پارتی، سکاڵامان تۆمار کردووە و چاوەڕێ دەکەین بزانین ووڵامی سکاڵاکەی ئێمە چۆنە و چی کراوە، چوونکە غەدرێکی گەورە لە پارتی کراوە".

.