هێزە چەکدارەکانی ئێران لە سنووری بانە تەقەیان لە کۆڵبەران کردووە کەسێکیش بریندارە
لە سنووری شاری بانە لە ڕۆژهەڵاتی کوردستان هێزە ئەمنی و چەکدارەکانی ئێران، تەقەیان لە کاروانی کۆڵبەران کردووە و کۆڵبەرێک بە سەختی بریندار بووە.
بەپێی هەواڵی ماڵپەڕی ڕێكخراوی مافی مرۆڤی “هەنگاو”، سەرلەبەیانی ڕۆژی چوارشەممە ( ١٣ ژوئەن ٢٠١٨) هێزە چەکدارەکانی ئێران لە سنوری چۆمانی بانە تەقەیان لە کاروانێکی کۆڵبەران کردووە و لە ئاکامدا کۆڵبەرێک بە تووندی بریندار کراوە.
هەواڵنێری “هەنگاو” لە شاری بانە ناسنامەی ئەم کۆڵبەرە بریندارەی “خالید سماقانی” تەمەن ٣٥ ساڵ و خەڵکی گوندی چۆمانی بانە ڕایگەیاند.
بە پشت بەستن بە ئاماری تۆمارکراو لە ناوەندی ئاماری “هەنگاو”، لە سەرەتایی بەهارەوە تا ئێستا کۆڵبەرێکی کورد لە سنورەکانی شاری بانە بە تەقەی ڕاستەوخۆی هێزەکانی ئێران کوژراوە و ٣ کۆڵبەری دیکەش بریندار بوون.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە