ئهمهریكا سزایهكی نوێی بهسهر چهند كۆمپانیا و كهسایهتییهكی ئێراندا سهپاند
ئهمهریكا به تۆمهتی گواستنهوهی تهكنهلۆجیای ئهمهریكی بۆ ئێران به شێوازێكی نایاسایی سزای نوێ بهسهر چهند كۆمپانیا و كهسایهتییهكی ئێرانی دەسەپێنێت.
ماڵپهڕی ''نیوز ماكس'' بڵاوی كردهوه، وهزارهتی گهنجینهی ئهمهریكا له بهیاننامهیهكدا ڕایگەیاندووە،سزای سهپاندووه بهسهر كۆمهڵێك كهسایهتی و كۆمپانیا كه بهشدار بوون له گواستنهوهی سیستمی تهكنهلۆجیای پێشكهوتووی ئهمهریكی بۆ ئێران، بانكی ناوهندیی ئێرانیش تێوهگلاوه و ئهمجاره سزاكان بانكه ناوهندییهكهشی گرتووهتهوه.
ئاماژەی بەوەش داوە، سزاكان پێوهندییان به دزهكردنی تهكنهلۆجیای ئهمهركییهوه ههیه بۆ ئێران لهلایهن باڵی تهكنهلۆجیا و زانیاری بانكی ناوهندی ئێرانهوه، ههروهها ههریهك له چهند كۆمپانیایهكی تر له توركیا و ئیمارات و سێ كهسایهتی تر كه یهكێكیان ناوی ئاشكرا كراوه، بریتییه له پووریا میردامهدیه له تاوانهكهوه تێوهگلاون.
برایان نێڵسن یاریدهدهری وهزیری گهنجینهی ئهمهریكا بۆ كاروباری تیرۆر و ههواڵگریی دارایی ڕای گهیاند، بانكی ناوهندی ئێران بهشداره له پارهداركردنی حزبوڵای لبنان و فهیلهقی قودسی سوپای پاسداران، ئهمهریكاش لای خۆیهوه ڕێگریی له ههوڵهكانی ئێران دهكات بۆ سوودوهرگرتن له تهكنهلۆجیای ئهمهریكی له پێشخستنی توانا سهربازییهكانی تاران.
ئهم ههنگاوهی وهزارهتی گهنجینهی ئهمهریكا، پارهی كهسایهتی و كۆمپانیاكانی سڕ كردووه، ئێسته دهست بهسهر پارهی ههموو ئهو لایهنانهدا گیراوه كه بهشدار بوون له دزینی تهكنهلۆجیای ئهمهریكی بۆ ئێران.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە