وەزیری دەرەوەی ئیسرائیل داوای بەهێزکردنی پەیوەندییەکانی لەگەڵ کورد دەکات

پەیامی کورد   ...   وەزیری دەرەوەی ئیسرائیل داوای بەهێزکردنی پەیوەندییەکانی لەگەڵ کورد دەکات

گیدۆن سعار، وەزیری دەرەوەی نوێی ئیسرائیل، خوازیاری فراوانكردنی پەیوەندییەکانیان لەگەڵ کورد و دروزییەكان و کەمینە نەتەوەییەکانی دیکەی ڕۆژهەڵاتی ناوەڕاست بوو.

ناوبراو لە مەراسیمی ڕادەستکردنی پۆستی وەزارەتی دەرەوە ڕایگەیاند کە کورد نەتەوەیەکی گەورەیە و بە یەکێک لە گەورەترین نەتەوەکانی بێ سەربەخۆیی سیاسی دادەندرێت. 

سعار بە "هاوپەیمانی سرووشتی ئیسرائیل" ئاماژەی بە کورد کرد و ئاماژەی بەوەشکرد، پێویستە ئیسرائیل دەستی دۆستایەتییان بۆ درێژ بکات و پەیوەندییەکانی لەگەڵ ئەم پێکهاتەیە پتەوتر بکات.