ڕاوێژکاری باڵای بایدن بۆ بەشداریکردن لە دانووستانەکانی ئاگربەستی غەززە گەیشتە دۆحە

پەیامی کورد   ...    ڕاوێژکاری باڵای بایدن بۆ بەشداریکردن لە دانووستانەکانی ئاگربەستی غەززە گەیشتە دۆحە

ماڵپەڕی ئەمریکی ئاکسیووس لە ڕاپۆرتێکدا ڕایگەیاند، برێت مەکگۆرک، ڕاوێژکاری باڵای جۆ بایدن، سەرۆکی ئەمریکا و نوێنەری تایبەتی ئەمریکا بۆ کاروباری ڕۆژهەڵاتی ناوەڕاست، گەیشتووەتە دۆحە بۆ بەشداریکردن لە دانووستانەکانی ئاگربەستی غەززە.

بەگوێرەی ڕاپۆرتێک شەوی یەکشەممە، ئاکسیووس لە زاری بەرپرسێکی ئەمریکییەوە کە داوای کردووە ناوی ئاشکرا نەکرێت و نووسیویەتی: مەکگۆرک چووەتە پایتەختی قەتەر بۆ ئەوەی بەشداری دانووستانەکانی ئاگربەستی غەززە بکات، بۆ ئەوەی ئەگەر دانووستانەکان لە چەند هەفتەی داهاتوودا ڕێککەوتنی لێ نەکەوێتەوە ، بەردەوام دانووستانەکان بسپێردرێت بۆ حکوومەتی داهاتوو.

هەروەها به پێی هەواڵی مێدیاکانی ئیسرائیل ، داڤید بێرنیا، سەرۆکی دەزگای هەواڵگری ئیسرائیل (مووساد) ئەمڕۆ دووشەممه بۆ درێژەدان به دانووستانەکانی ئاڵوگۆڕی زیندانیان لەگەڵ حەماس دەچێته ده وحه .

کەناڵی ١٢ی ئیسرائیل بە پشت بەستن بە سەرچاوەی ئیسرائیلی کە ناوی نەهێنراوە، ڕایگەیاند کە پێشکەوتنێکی گەورە لە دانووستانەکاندا بەدیهاتووە.

ئەم سەرچاوانە زیادیان کرد: سەرکەوتنی زۆر بەدەست هاتووە، بەڵام هێشتا ڕێگایەکی دووری ماوە بۆ گەیشتن بە ڕێککەوتن.