مارک لوئین : “لەگەڵ ڕێژیمی ئێران مامەڵە نەکەین ؛ با لێی بدەین”

• مارک لوئین : “لەگەڵ ڕێژیمی ئێران مامەڵە نەکەین ؛ با لێی بدەین”

مارک لوئین، یەکێک لە ناسراوترین شرۆڤەکارانی ڕادیۆیی ئەمریکا، لە پۆستێکدا لە تۆڕی کۆمەڵایەتی ئێکس (تویتەری پێشوو) بە تووندی دژی هەر جۆرە دانوستانێک یان مامەڵەیەک لەگەڵ کۆماری ئیسلامی وەستایەوە و داوای کرد کە هەنگاوی ڕاستەوخۆ و یەکلاکەرەوە دژی ڕێژیم بگیرێتەبەر.

نووسیویەتی:
“وەرن با لەگەڵ ڕێژیمی ئێران مامەڵە نەکەین؛ وەرن با لێی بدەین.”

ئەم هەڵوێستە ڕاستەوخۆ لە كاردانەوە بە لێدوانەکانی ڕۆژی پێنجشەممەی دۆناڵد ترامپ بوو كە ووتبووی: "ئێمە دەبێت بگەینە ڕێككەوتنێك. ئەگەرنا، زۆر زیانبەخش دەبێت... ئەگەر ڕێككەوتن نەکەن، ئەوە چیرۆکێکی جیاواز دەبێت... دەبێت زۆر بە خێرایی ڕووبدات. من پێشبینی دەکەم لە ماوەی مانگی داهاتوودا."