دوو لیوای پۆلیس لە شەنگال جێگیر دەکرێن

پەیامی کورد ... دوو لیوای پۆلیس لە شەنگال جێگیر دەکرێن

له‌چوارچێوه‌ی رێككه‌وتنی هه‌رێمی کوردستان و به‌غدا، حكومه‌تی فیدراڵیی عیراق، جێگیركردنی دوو لیوای پۆلیسی له‌ شنگال راگه‌یاند.

به‌گوێره‌ی هه‌واڵێك، كه‌ له‌ راگه‌یاندنه‌كانی عیراقدا بڵاوبوه‌ته‌وه‌، دوو لیواكه‌ی پۆلیس سه‌ربه‌ وه‌زاره‌تی ناوخۆی عیراق-ن.

پێشتریش، حكومه‌تی فیدراڵی ئه‌وه‌ی ئاشكراكردبو، كه‌ ئاسایشی شنگال له‌لایه‌ن به‌غداوه‌ ده‌پارێزرێت.

رۆژی 9ی تشرینی یه‌كه‌م، هه‌ولێر و به‌غدا له‌سه‌ر دروستكردنی ئیداره‌یه‌كی نوێ بۆ قه‌زای شنگال رێككه‌وتن.

به‌پێی رێككه‌وتننامه‌كه‌، ئیداره‌یه‌كی هاوبه‌ش له‌نێوان حكومه‌تی فیدراڵ و حكومه‌تی هه‌رێم له‌ شنگال دروستده‌كرێت و دۆسیه‌ی ئه‌منی شاره‌كه‌ش به‌ پۆلیسی خۆجێی و پاراستنی ده‌ره‌وه‌ی شاره‌كه‌ش به‌ سوپای عیراق و پێشمه‌رگه‌ ده‌سپێردرێت.