وهزارهتی دارایی حكوومهتی ههرێمی كوردستان سەبارەت بە دابەشکردنی مووچە پەیامێک ڕادەگەینێت
پەیامی کورد ... وهزارهتی دارایی حكوومهتی ههرێمی كوردستان سەبارەت بە دابەشکردنی مووچە پەیامێک ڕادەگەینێت
وهزارهتی دارایی حكوومهتی ههرێمی كوردستان رایگهیاند، مووچهی مانگی (نیسان/٤)ی ئهمساڵی فهرمانبهران، بهلێبڕینی رێژهی ٢١% دابهشدهكرێت.
سهرچاوهیهك لهوهزارهتی دارایی رایگهیاند، حكوومهتی ههرێم بڕیاریداوه ٢٥ی ئهم مانگه دهست بهدابهشكردنی مووچه بكرێت، سهبارهت به لێبڕینیش بڕیاردراوه بهههمانشێوهی مانگهكانی رابردوو ٢١% بۆ فهرمانبهران و ٥٠% بۆ پله تایبهتهكان بمێنێتهوه.
١٢ی ئهم مانگه، ئاوات شێخ جهناب، وهزیری دارایی و ئابووری ههرێمی كوردستان لهمیانەی كۆبوونهوهی شاندی دانووستانكاری ههرێم لهگهڵ سهرۆكایهتی پهرلهمان، سهرۆكی فراكسیۆنهكان و لیژنه پهیوهندیدارهكان رایگهیاند، "لێبڕینی مووچه بهردهوام دهبێت و مووچه هاوشێوهی مانگی رابردوو به لێبڕینی ٢١% دابهش دهكرێت".
ئاماژهی بهوهشكردووه، ناتوانن بهبێ لێبڕین مووچه دابهش بكهن، ئهو بوودجهیهی بهغدا دهینێرێت، بهشی مووچهی ٦٨٢ ههزار فهرمانبهر دهكات، لهكاتێكدا ههرێمی كوردستان زیاتر له یهك ملیۆن و ٢٠٠ ههزار فهرمانبهری ههیه.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە