سەرۆککۆماری ئەمریکا ... " ئێران ووڵاتێکی تیرۆریستییە و واشینتۆن هەرگیز ڕێگا نادات ببێتە خاوەن بۆمبی ئەتۆمی "

ئەمریکا حکوومەتێک کە درووشمی مردن بۆ ئەمریکا دەڵێت و بە کوشتنی نەسڵ و نەوەی یەهوودییەکان هەڕەشەی لێدەکات چاو هەڵناگرێت .

بە پێی ڕاپۆرتێک ، سەرۆککۆماری ئەمریکا " دۆناڵد ترامپ " سێشەممە شەو لە دووهەمین ووتاری سالانەی خۆی لە کۆنگرەی ئەمریکا بە بابەتی دۆخی ئەمریکا جارێکی دیکە هەڕەشەی خستە سەر ئێران .

ترامپ سەبارەت بە دەست پێکردنی خراپترین و سەخترین گەمارۆوەکان لە دژی ئێران ڕایگەیاند : " ئێمە سەخترین و قورسترین گەمارۆگەڵ کە دەتوانرا لە دژی ئێران ئەنجامی بدەین و بۆ ئەوەی کە پشتڕاست بین کە ئەم دیکتاتۆرە فاسدە ناتوانت دەستی بگاتە بۆمبی ئەتۆمی ، من ئەمریکام لە ڕێکەوتننامەی ناوەکی و مەترسی و داهاتووی ترسناکی بەرجام لەگەڵ ئێران دەرهێنا .

ئەو هەروەها ووتی : " ئێران ڕژیمێکی تیرۆریستییە و ئەمریکا خەریکی بەرەنگاربوونەوەی لەگەڵ ئەم بابەتە لەگەڵ ئێران و واشینتۆن هەرگیز ئیزن بە ئێران نادات کە دەستی بگاتە بۆمبی ئەتۆمی . ئێمە لە ڕژیمێک کە مردن بۆ ئەمریکا بڵێت و هەڕەشەی نەسڵ کوژی لە دژی یەهوودییەکان بکات چاو هەڵناگرین . "

ئەو ووتارە ، لە بینای سەرەکی کۆنگرە بەڕێوە چوو کە لەوێ دۆناڵد ترامپ ڕایگەیاند کە واشینتۆن داواکاری لاچوونی نیکۆلاس مادۆرۆ ، سەرۆککۆماری ڤەنزۆئێلایە و گواستنەوەی هێز بۆ ڕابەری دژبەرانی خوان گوایدۆ بووە ، ووتی کە ئەمریکا لەگەڵ خەڵکی ڤەنزۆئێلا وەستاوە .