لە ڕوسیا بە درۆن هێرشکرایە سەر وێستگەیەکی سوتەمەنی

پەیامی کورد... لە ڕوسیا بە درۆن هێرشکرایە سەر وێستگەیەکی سوتەمەنی


لەناو خاکی ڕوسیا بە درۆن هێرشکرایە سەر وێستگەیەکی سوتەمەنی و بووەتە هۆی تەقینەوە و ئاگرکەوتنەوە لە وێستگەکەدا.

لەمبارەیەوە ئەمڕۆ دوو شەممە ڤیاچسلاڤ گلادۆڤ، فەرمانداری هەرێمی بیلگۆرۆدی ڕوسیا بە میدیاکانی وڵاتەکەی ڕاگەیاند: "بە درۆن هێرشکراوەتە سەر وێستگەیەکی سوتەمەنی لە هەرێمی بیلگۆرۆد و بەهۆیەوە ئاگرێکی گەورە کەوتووەتەوە".

ناوبراو وتویەتیشی: "هێرشەکە لە ڕێگەی درۆنی بۆمبڕێژکراو بووە، کە بووەتە هۆی تەقینەوە و دروستبوونی ئاگر لە وێستگەیەکی سوتەمەنی".

ئەوەشی وتوە: بە درێژایی شەوی ڕابردو بۆردومان لەسەر هەردوو ناوچەی شیبینکۆ و ڤۆلۆکۆنۆڤسکی لە هەرێمی بیلگۆرۆد بەردەوام بووە، بەڵام هیچ زیانێکی گیانیی نەبووە.

بەرپرسانی هەرێمەکە لە ماوەی چەند رۆژی ڕابردودا داوایان لە بەشێک لە دانیشتوانی بیلگۆرۆد کرد، لەپێناو پارێزراویی خۆیان ناوچەکانیان بەجێبهێڵن.