لەسەر رووداوەکەی حەمدانییە؛ پوتن سەرەخۆشی لە عێراق دەکات

پەیامی کورد... لەسەر رووداوەکەی حەمدانییە؛ پوتن سەرەخۆشی لە عێراق دەکات

ڤلادیمێر پوتن، سەرۆکی رووسیا سەرەخۆشی لە عێراق دەکات بەهۆی رووداوەکەی حەمدانییەوە کە بەهۆیەوە زیاتر لە 100 کەس گیانیان لەدەستدا و دەیانی دیکەش بریندار بوون.

ئەمڕۆ چوارشممە 27ـی ئەیلوولی 2023، کۆشکی سەرۆکایەتی رووسیا (کریملن) پەیامێکی سەرەخۆشی پوتنی بڵاوکردەوە کە تێیدا هاتووە: "تکایە هاوخەمی دڵسۆزانەمان قبوڵ بکەن سەبارەت بەو ئاگرە دڵتەزێنەی لە شاری حەمدانییە روویدا کە قوربانی زۆری لێکەوتەوە".

سەرۆکی رووسیا دەشڵێت: جێگەی داخە کە ئەم کارەساتە لە ناوەڕاستی ئاهەنگێکی هاوسەرگیریدا روویداوە.

پوتن هەروەها هاوخەمی خۆی بۆ کەسوکار و هاوڕێیانی قوربانیانی رووداوەکە دەربڕی و هیوای زوو چاکبوونەوەی بریندارەکانی خواست.

درەنگانی شەوی رابردوو، لە قەزای حەمدانییەی سنووری پارێزگای نەینەوا لە هۆڵێکدا کە ئاهەنگی هاوسەریگیری لێئەنجام دەدرا، ئاگر کەوتەوە و بەهۆیەوە زیاد لە 100 کەس گیانیان لەدەستدا و دەیانی دیکەش بریندار بوون.