ئەم ڕێگا بازرگانییە بە بڕی ٨٨ میلیۆن دینار بڕیاری نۆژەنکردنەوی دەدرێت

پەیامی کورد     ...   ئەم ڕێگا بازرگانییە بە بڕی ٨٨ میلیۆن دینار بڕیاری نۆژەنکردنەوی دەدرێت

بەڕێوبەری چاككردنەوەی رێگاوبانی دھۆك رایگەیاند : لەبەر ئەوەی رێگای دھۆك بۆ ھەولێر كە ھاتووچۆی بازرگانی پێدا دەكرێت، لە دوو شوێن تێكچووبوو، بە گوژمەی ١٨٥ملیۆن دینار نۆژەن دەكرێتەوە.

نەشوان یەحیا، بەڕێوبەری چاككردنەوەی رێگاوبانی دھۆك رایگەیاند : رێگای دھۆك بۆ ھەولێر، كە رێگایەكی بازرگانییە و ھاتووچۆی بازرگانی بەو رێگایەدا دەكرێت و بارھەڵگرەكان بەو رێگایەدا ھاتووچۆ دەكەن، دوو شوێنی تێكچوبوون، بۆیە بڕیار درا نۆژەن بكرێنەوە.

یەحیا ووتیشی، لە روڤیا تا دەگاتە كۆمەڵگای چرە، بە گوژمەی ٨٨ملیۆن دینار نۆژەن دەكرێتەوە و لە روڤیا تا دەگاتە بەردەڕەش و تا دەچێت بۆ كەلەك، ئەویش بە گوژمەی ٩٧ملیۆن دینار نۆژەن دەكرێتەوە، لەبەر ئەوەی ئەو دوو شوێنە تێكچوبوون و پێویستیان بە نۆژەنكردنەوە ھەبوو، بە تایبەت بۆ وەرزی زستان و ئێستاش كارەكان نزیكە تەواو بن لە نۆژەنكردنەوە.