سوید/ کەسێک بە چەقۆ هێرشی کردە سەر خەڵک و ٨ کەسی بریندار کرد

پەیامی کورد … سوید/ کەسێک بە چەقۆ هێرشی کردە سەر خەڵک و ٨ کەسی بریندار کرد

دوانیوەڕۆی  ڕۆژی چوارشەممە نزیک کاتژمێر ١٥ کەسێکی  ٢٠ ساڵان بەچەقۆ هێرشی کردە سەر خەڵک لە ناو شارۆچکەی ڤێتلاندای سەر بە هەرێمی یۆنشۆپینگ و ٨ کەسی بریندار کرد.

باری تەندرووستی بریندارەکان نادیارە و پۆلیس هێشتا هیچ روونکردنەوەیەکی نەداوە.

هێرشبەرەکە لەلایەن پۆلیسەوە تەقەی لێکرا و دەستگیر کرا. بە وتەی پۆلیس کەسەکە بە تەنها هێڕشەکەی ئەنجامداوە و کەسی تر هاوکاری نەکردووە.

زانیارییەکان باس لەوە دەکەن کە  پۆلیس بە گومانی تاوانی تیرۆر لە هێرشەکە دەکۆڵیتەوە.