عەلی حوسێن: هەدەپە دوو ئامانجیان هەیە لە هاتنیان بۆ هەرێم
بهرپرسی مهكتهبی پێوهندییه نیشتمانییهكانی پارتی دیموكراتی كوردستان ئاشکرای کرد کە هاتنی شاندی ههدهپه بۆ ههرێمی كوردستان بۆ دوو مهبهست بوو، دروستكردنی ههماههنگی لهگهڵ لایهنهكانی باشووری كوردستان و ڕوونكردنهوهی بهرنامهی خۆیان له دوای كۆنگره و بهشداریكردن له پرسهی دلۆڤان بارزانی، بۆیه سهرۆك بارزانیش هانی ئهوانی دا كه كێشهكانیان لهگەڵ توركیا له ڕێگهی ئاشتی و دیموكراسییەوە چاره بكهن.
عهلی حوسێن، بهرپرسی مهكتهبی پێوهندییه نیشتمانییهكانی پارتی دیموكراتی كوردستان، ڕاگهیاند: "مهبهست له سهردانی شاندی ههدهپه بۆ ههرێمی كوردستان بۆ ئهوه بوو كه تازه كۆنگرهی خۆیان بهستبوو، چونكه ههردوو هاوسهرۆكی پێشووی ههدهپه له زیندانن و دوای كۆنگره ههوڵ دهدهن ڕوئیای خۆیان بۆ حیزبهكانی باشووری كوردستان و دۆستانی خۆیان له دوای كۆنگره باس بكهن و پێشتر بهرنامهی سهردانیان دانابوو، بهڵام كۆچی دواییی دلۆڤان بارزانی بهسهردا هات، بۆیه ههم بڕیار بوو پێشتر سهردان بكهن و ههمیش بۆ پرسه هاتبوون، بۆیه له كۆبوونهوهكانی خۆیان لهگهڵ ئێمه باسی دۆخی باكووری كوردستانیان كرد و پهیوهندی ئهوان لهگهڵ حكوومهت و حزبهكانی توركیا و بهرنامهی خۆیان بۆ ئاینده باس كرد و داوای ههماههنگییان لهگهڵ ئێمه كرد بۆ ئهوهی هاوكار بێن و ئێمهش هانی ئهوانمان دا له ڕێگهی ئاشتی و دیموكراسی و لێكتێگهیشتنەوە داخوازی و بهرنامهی حزبیی خۆیان پهیڕهو بكهن."
عەلی حوسێن گوتی: "جگه لهوهش باس لهوه كرا كه ههر پارچهیهك له كوردستان تایبهتمهندی خۆی ههیه و پێویسته ڕهچاو بكرێت و ههموویشی له ڕێگهی گفتوگۆ و دیالۆگەوە بێت و هانی ئێمهشیان دا كه لایهنه كوردییهكان له ناوخۆیاندا یهكڕیز و یهكگرتوو بن، بۆ ههڵبژاردنهكانی عێراق و ههرێمی كوردستانیش، چونكه پێیان وابوو ئهگهر پێگهی ئێمه بههێز بێت، دهتوانی ڕۆڵێكی ئیجابی بۆ ئهوان بگێڕین، بۆ ئهوهی به ئاشتی كێشهكان چارهسهر بكرێت و ئێمهش قسهمان بۆ نێوندگیری ههبێت."
سهبارهت به كۆبوونهوهی شاندهكه لهگهڵ سهرۆك بارزانی، عهلی حوسێن گوتی: "سهرۆك بارزانی له كۆبوونهوه لهگهڵ شاندهكه باسی لهوه كرد، كاتی خۆی دهرفهتی باش ههبوو بۆ ئهوهی به شێوهیهكی ئاشتییانە ههندێك گرفت چارهسهر بكرێن و ئێستاش هانی دان كه كێشهكانیان لهگهڵ حكوومهتی توركیا له ڕێگهی ئاشتی و دیموكراسییەوە چارهسهر بكهن و ههموو لایهنهكان یهكگرتوو بن و سوود له ئهزموونی ههندێك شوێنی دنیا وەربگرن و گوێی له بهرنامهی پاش كۆنگرهکەیان گرت."
دوو رۆژ پێششاندێكی ههدهپه له باكووری كوردستان سهردانی ههرێمی كوردستانیان كرد و له یهكهم وێستگهی سهردانهكهشیان بهشدارییان له پرسهی كۆچكردوو دلۆڤان بارزانی كرد و دواتریش لهگهڵ سهرۆك بارزانی و سهرۆكی حكوومهتی ههرێمی كوردستان كۆ بوونهوه.
هەواڵە گرنگەکان
هەواڵە پەیوەندیدارەکان
- 16 يونيو 2023
بە هۆی ڕووداوێکی خنکان لە گەلی عەلی بەگ دوو برا خنکان
- 31 مارس 2022
هێشتا لێدوان نییە. یەکەمین لێدوان بنووسە!
لێدوانی خۆت بنووسە