وەزارەتی دەرەوەی ئەمریکا ساڵڕۆژی لە دایکبوونی گەورە بیرکاریزانی جیهان پیرۆز دەکات
پەیامی کورد ... وەزارەتی دەرەوەی ئەمریکا ساڵڕۆژی لە دایکبوونی گەورە بیرکاریزانی جیهان پیرۆز دەکات .
وەزارەتی دەرەوەی ویلایەتەیەکگرتووەکانی ئەمریکا بە بڵاوکردنەوەی دوو پەیامی جیاواز لە لاپەڕەی فەرمی فارسی زمانی خۆیدا لە تویتەر ساڵڕۆژی لە دایکبوونی مەریەم میرخانی زادە ، بیرکاریزانی بەناوبانگی ئێرانی کە لە ساڵی ٢٠١٧ دا کۆچی دوایی کرد پیرۆزبایی کرد و هیوای خواست کە بە بەدی هێنانی پەیوەندی ئاشتی یانە لە نێوان ئێران و ویلایەتەیەکگرتووەکان لە داهاتوودا ، مەودای هاوکاری هەڵکەوتووان و زانایانی هەر دوو ووڵات یش دەستەبەر بکرێت .
مەریەم میرخانی زادە مامۆستای زانکۆی ستەنفۆردی ئەمریکا و تەنیا ژنی جیهان ییە کە براوەی مەداڵیای فیڵدز لە سەر ئاستی هەموو جیهان دا کە لە تەمەنی ٤٠ ساڵی دا بە هۆی تووشبوونی بە شێرپەنجەوە کۆچی دوایی کرد و لە ئەگەری بەردەوام بوونی لە ژیاندا ئەوە ئەمڕۆ دەبوایە ٤٣ هەمین ساڵڕۆژی لە دایکبوونی جەژن بگرێت .
یەکەمین پەیامی وەزارەتی دەرەوەی ئەم،ریکا دەڵێ : ئەمڕۆ کە دەیتوانی ٤٣ هەمین لە دایکبوونی مەریەم میرخانی زادە بێت بە فەرمی دەناسێنین و شانازی بە ژیان و دەستکەوتە بێوێنە و بێ هاوتاکانی دەکەین . ئەو یەکەمین ئێرانی و یەکەمین ژن بوو کە توانی مەدالیای بەناوبانگ و جیهانی فیڵدز لە بواری بیرکاری بە دەست هێنا . ئەو نموونەیەک لە تێکهەڵکێشی شاراوەی دۆستایەتی نێوان خەڵکی ئێران و ئەمریکایە "
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە