ئەردۆغان بە نیشاندانی ڤیدیۆی پەکەکە وەکوو تیرۆریست لە کۆشکی سپی شکستی هێنا

پەیامی کورد    ...    ئەردۆغان بە نیشاندانی ڤیدیۆی پەکەکە وەکوو تیرۆریست لە کۆشکی سپی شکستی هێنا  !!!

 لیندسی گراهام سیناتۆری كۆمارییەكان كە لە كۆبوونەوەی هەردوو سەرۆککۆماری ووڵاتانی ئەمریكا و توركیا بەشداربوو، رایگەیاند كە ئەردۆغان ڤیدیۆی یەكی كۆنی هێرشەكانی پەكەكەی نیشان داوە ویستوویەتی بەم شێوەیە وێنای کورد بە تیرۆریست نیشان بدات بەڵام ، ئەویش پێیوتووە: "دەتەوێت ڤیدیۆی هێرشەكانی توركیات بۆسەر سووریا نیشان بدەین؟".
هەروەها گراهام گەورە سێناتۆری كۆمارییەكان ڕایگەیاند : ئەردۆغان باسی لەوەكردووە كە توركیا لە شەڕی دژ بە داعش قوربانی داوە، بەڵام ئەو پێی وتووە، كە ئەمە یەپەگە و كورد بوون لە یارمەتیدانی ئەمریكا دژی داعش قوربانیان داوە".
لیندسی گراهام، ئاماژەی بەوەشدا كە ناوچەی ئارامیان دەوێت لە سووریا، بەڵام نابێت توركیا و رووسیا و ئەسەد بەڕێوەی ببەن.
راشیگەیاند، كە دەیانەوێت پەیوەندیان لەگەڵ توركیا هەبێت، بەڵام هەرگیز رێگە نادەن سیستەمی ئێس 400 بچێتە سەر هێڵ، چوونكە دژی بەرژەوەندی ئەمریكا و فڕۆكەی ئێف -٣٥ ە.