گرووپێک لە ئاوارەکانی شەنگال گەڕێندرانەوە زێدی خۆیان

پەیامی کورد... گرووپێک لە ئاوارەکانی شەنگال گەڕێندرانەوە زێدی خۆیان


ئیڤان فایەق وەزیری کۆچ و کۆچبەرانی عێراق ڕایگەیاند زیاتر لە یەک هەزار ئاوارەی یەزیدی گەڕاونەتەوە ناوچەکانی خۆیان لە قەزای شەنگال.

ئەمڕۆ چوارشەممە لەڕاگەیەنراوێکدا وەزیری کۆچ و کۆچبەرانی عێراق باسی لەوەکرد، هەزار و 150 ئاوارەی ئێزیدی لە ئۆردوگاکانی ئاوارەکانەوە لە پارێزگای دهۆک گەڕاونەتەوە زێدی خۆیان لە ناوچەکانی سنوری قەزای شەنگال وناوچەکان و گوندەکانی ناوچەکە بە هەماهەنگی لەگەڵ هێزە ئەمنییەکان و حکومەتە خۆجێێەکان لە هەردوو پارێزگاکە و فەرماندەیی ئۆپەراسیۆنە هاوبەشەکان پارێزراون .

هەروەها وتیشی، وەزارەت دڵنیایی داوە لە گواستنەوەی کەلوپەلەکانیان لە کەمپەکانەوە بۆ ناوچەکانیان.

ئاماژەی بەوەشکردووە، لە ڕۆژانی داهاتوودا ژمارەیەکی دیکە لە ئاوارەکان لە کەمپەکانی دهۆکەوە بۆ ناوچەکانیان لە شەنگال دەگەڕێنەوە.