تایوان داوا لە چین دەکات مانۆڕە سەربازییەکانی ڕابگرێت

پەیامی کورد... تایوان داوا لە چین دەکات مانۆڕە سەربازییەکانی ڕابگرێت

سەرۆک وەزیرانی تایوان مانۆڕە سەربازییەکانی چین بە هۆکاری تێکدانی ئاشتی و سەقامگیریی هەرێمایەتی ناودەبات و داوا لە وڵاتە دەکات ڕایبگرێت.

لەمبارەیەوە سۆ تیسنگ چانگ سەرۆک وەزیرانی تایوان ڕایگەیاند: چین «خۆبەزلزانین» ی بەکارهێنا بۆ ئەنجامدانی ڕێوشوێنی سەربازی بۆ تێکدانی ئاشتی و سەقامگیریی هەرێمایەتی، وەک ئاماژەیەک بۆ ئەو مانۆڕە سەربازییەی لەلایەن سوپای چین-ەوە بە چەک و تەقەمەنی لە دەوروبەری دوورگەی تایوان ئەنجامی دەدات.

ناوبراو لە لێدوانێکدا بۆ ڕۆژنامەنووسان داوایشی لە پەکین کرد نمایشی «بازووە سەربازییەکان» ی نەکات و ئیدارەی «دوژمنانی بیانی» یشی کرد کە دەیانەوێت مەعنەویاتی گەلی تایوانی بڕووخێنن.

وەزارەتی بەرگریی تایوانیش لای خۆیەوە ڕایگەیاند: فڕۆکە و کەشتی ڕەوانەکردووە بۆ «وەڵامدانەوە بە شێوەیەکی گونجاو» ی ڕاهێنانە سەربازییەکانی چین لە نزیک دوورگەکەیان.

جێی باسە مانۆڕە سەربازییەکان بەهۆی ناڕەزایەتییەکانی چین بەرامبەر سەردانەکەی نانسی پیلۆسی سەرۆکی ئەنجوومەنی نوێنەرانی ئەمریکا بۆ تایپێ و ڕاستەوخۆ دوای سەردانەکە دەستیانپێکرد و لای خۆیەوە کۆشکی سپی داوای لە چین کرد مانۆڕەکانی ڕابگرێت.