ئیسرائیل هێرشی ئاسمانیی کردە سەر چەند خاڵێکی سەربازیی لە دیمەشق

پەیامی کورد... ئیسرائیل هێرشی ئاسمانیی کردە سەر چەند خاڵێکی سەربازیی لە دیمەشق


ئاژانسی هەواڵیی سووریا (SANA) بڵاویکردووەتەوە؛ هێزەکانی ئیسرائیل کاتژمێر ٠١:٠٥ بەکاتی ناوخۆی سووریا، هێرشی ئاسمانییان کردووەتە سەر چەند خاڵێکی سەربازیی لە باشووری رۆژئاوای دیمەشق

ئه‌مڕۆ چوار شه‌ممه‌ 14_ی حوزه‌یران_ی 2023 ئاژانسی هەواڵیی سووریا (SANA) لە هەواڵێکیدا، بە پشت بەستن بە سەرچاوە سەربازییەکان بڵاویکردووەتەوە؛ هێزەکانی ئیسرائیل کاتژمێر ٠١:٠٥ بەکاتی ناوخۆی سووریا، هێرشی ئاسمانییان کردووەتە سەر چەند خاڵێکی سەربازیی لە باشووری رۆژئاوای دیمەشق

ئاماژه‌ به‌وه‌ش دراوه‌ “سیستمی بەرگریی ئاسمانیی بەرپەرچی هێرشەکەی داوەتەوە و ژمارەیەک لەو مووشەکانەی خستووەتەخوارەوە، لە ئاکامی هێرشەشکەدا، سەربازێک برینداربووە و زیانی ماددیش کەوتووەتەوە”.

لای خۆیانەوە بەرپرسانی ئیسرائیل هیچ روونکردنەوەیەکیان سەبارەت بە هێرشەکە نەداوە.

جگە لە سوپای سووریا، خاڵی سەربازیی گرووپە بیانییە پاڵپشتیکراوەکان لەلایەن ئێران و حیزبوڵڵا لە دیمەشق و ناوچەکانی دەوروبەری بوونیان هەیە.

ئیسرائیل له‌ ده‌ستپێكی نارەزاییەکانی سووریا له‌ ٢٠١١ه‌وه‌، ماوه‌ ماوه‌ هێرش ده‌كاته‌ سه‌ر خاڵه‌ سه‌ربازییه‌كانی گرووپه‌كانی سه‌ربه‌ ئێران و سوپای سووریا.