فیدراسیۆنی پەنابەران ژمارەی قوربانییانی نوقبوومی بەلەمەكانی کۆچبەرانی ڕاگهیاند
پەیامی کورد … فیدراسیۆنی پەنابەران ژمارەی قوربانییانی نوقبوومی بەلەمەكانی کۆچبەرانی ڕاگهیاند
فیدراسیۆنی سەرانسەری پەنابەران ژمارەی قوربانییان و ڕزگارکراوان و بێسەروشوێنبووانی نوقبوومی بەلەمەكانی کۆچبەرانی لەچەند ڕۆژی ڕابردوودا بڵاوکردەوە.
ئهمرۆ یهك شهممه 26 ی كانونی یهكهمی 2021 هیوا خدر، ئەندامی فیدراسیۆنی سەراسەری پەنابەران ڕایگەیاند، دوێنێ شەممە بەلەمێکی کۆچبەران لە دەریای ئیجە نوقمبوو، کە 80 کۆچبەری تێدابووە، لەکۆی ئەو کۆچبەرانە 61 کەسیان ڕزگارکراون و 16یان گیانیان لەدەستداوە.
ئاماژهی بهوهش كردووه، لەماوەی سێ ڕۆژی ڕابردوودا بەهۆی نوقمبوونی بەلەمی کۆچبەرانەوە، بەلایەنی کەمەوە 30 کۆچبەر لە ئاوەکانی یۆنان گیانیان لەدەستداوە.
تا ئێستا ناسنامەی قوربانییەكانی سێ بەلەمە نوقمبووەكەی چەند ڕۆژی ڕابردووی یۆنان ئاشكرانەكراون.
ههروهها باسی لهوهش كردووه، لە 19ی کانونی دووەمی ئەمساڵەوە زیاتر لە 116 هەزار کۆچبەر لەڕێی دەریای سپی ناوەڕاستەوە گەیشتوونەتە وڵاتانی یەکێتیی ئەوروپا.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە