ئاڵمانیا ئاشکرای دەکات ڕاهێنانەکانی بۆ هێزەکانی پێشمەرگە بەردەوامی پێدەدات

پەیامی کورد    ...   سوپای ئاڵمانیا ئاشكرایكرد، بەیانی ئەمڕۆ یەكشەممە هێزەكانیان راهێنانیان بە هێزەكانی پێشمەرگە لە هەرێمی كوردستان دەستپێكردوەتەوە، بەڵام راهێنانی هێزە عیراقیەكان تائێستاش هەڵپەسێردراوە.
دوای پەرەسەندنی گرژییەكانی نێوان ئەمریكا و ئێران لەسەر خاكی عیراق و كوشتنی قاسم سلێمانی فەرماندەی فەیلەقی قودسی سوپای پاسدارانی ئێران لەلایەن ئەمریكاوە و دواتر بۆردومانی دوو بنكەی سەربازیی ئەمریكا لە پارێزگاكانی ئەنبار و هەولێر لەلایەن ئێرانەوە، ئەڵمانیا ٣٥ سەربازی خۆی لە عێراق كشاندەوە بۆ ووڵاتی ئۆردون و راهێنانی هێزەكانی پێشمەرگە و هێزە عیراقیەكانی راگرت.
سەبارەت بەو بابەتە سوپای ئەڵمانیا كە ٩٠ راهێنەر و ئەندامی سوپایان هەیە لەشاری هەولێر، بڵاویكردوەتەوە، بەیانی ئەمڕۆ یەكشەممە راهێنانی هێزەكانی پێشمەرگە دەستی پێكردوەتەوە، بەڵام راهێنانی هێزە عیراقیەكان تائێستاش هەڵپەسێردراوە.