پەرلەمانی بەریتانیا پرۆژەیاسایەکی دژ بە کۆچبەران پەسەندکرد

پەیامی کورد... پەرلەمانی بەریتانیا پرۆژەیاسایەکی دژ بە کۆچبەران پەسەندکرد


پەرلەمانی بەڕیتانیا پرۆژەیاسایەکی دژ بەو کۆچبەرانە پەسەندکرد کە لە رێگەی بەلەمەوە دەگەنە وڵاتەکە.

ماڵپەری جەزیرە بڵاویکردەوە:" پرۆژەیاسای کۆچی نایاسایی لەلایەن پەرلەمانی بەڕیتانیاوە پەسەندکراوە کە بەپێی یاساکە، هەر پەنابەرێک لەمەودوا لە رێگەی بەلەمەوە بگاتە ئەو وڵاتە و داوای مافی پەنابەرێتی بکات داواکەی رەتدەکرێتەوە و رەوانەی وڵاتێکی دیکە دەکرێت".

باسی لەوەشکرد:" لە ئێستادا تەنها ئەوە ماوە شا چارڵی رەزامەندی لەسەر پرۆژەیاساکە بدات بۆ ئەوەی بە تەواوەتی بچێتە بواری جێبەجێکردنەوە".

هاوکات رێکخراوی نەتەوەیەکگرتووەکان ئەوەشیان خستەڕوو: " ئەو پرۆژەیاسایەی پەرلەمانی بەڕیتانیا پەسەندی کردووە ناکۆکە لەگەڵ بنەمای یاسا نێودەوڵەتییەکان کە پێشتر نەتەوەیەکگرتووەکان بڵاویکردەوە ".