ئەڵمانیا ئاسانكاری ڤیزا بۆ بەركەوتووانی بوومەلەرزە دەكات

پەیامی کورد... ئەڵمانیا ئاسانكاری ڤیزا بۆ بەركەوتووانی بوومەلەرزە دەكات

وەزیری دەرەوەی ئەڵمانیا ڕایدەگەیەنیت ئاسانكاری ڤیزا بۆ بەركەوتووانی بوومەلەرزە لە باكوور و ڕۆژئاوای كوردستان دەكەین.

وەزیری دەرەوەی ئەڵمانیا، ئانالینا بێربووك، ڕایگەیاند: دەمانەوێت هاوكاری ئەو خێزانانە بكەین، كە لە ئەڵمانیا دەژین و كەسوكاریان بەر بوومەلەرزە كەوتوون و بۆ ماوەیەكی كاتی بیانهێننە لای خۆیان، ئەگەر شوێنی نیشتەجێبوونیان نەبێت، یاخود چارەسەری تەندروستییان پێویست بێت.

ووتیشی: وەزارەتی دەرەوە و ناوخۆ دەست بەكاردەبن و ئامانج لێی ئەوەیە ڤیزا بۆ بەركەوتووەكان ئاسان بكرێت.

ڕوونیشی كردەوە: كارماندەكانیان لە نوێنەرایەتییەكانی توركیا بەهێزتر كردوون و كاتەكانی كاركردنیشیان گۆڕدراوە.

ئەمەش لەكاتێك دایە ڕۆژی دووشەممەی ڕابردوو بومەلەرزەیەكی بەهێز توركیا و سوریای هەژاند و زیانێكی زۆری گیانی و مادی بەدوای خۆی داهێنا