لە رووداوێکی هاتووچۆدا لە رۆژئاوای کوردستان 24 کەس بوونە قوربانی

پەیامی کورد،،، لە رووداوێکی هاتووچۆدا لە رۆژئاوای کوردستان 24 کەس بوونە قوربانی

ئاژانسەکانی هەواڵ لە رۆژئاوای کوردستان بڵاویانکردەوە، پێشنیوەڕۆی ئەمڕۆ چوارشەممە (03-1-2024) بەهۆی پێکدادانی پاسێکی نەفەرهەڵگر و بارهەڵگرێک سێ کەس گیانیان لەدەستدا و 20 کەسی دیکەش بوونە قوربانی.

رووداوەکە لەسەر رێگەی M4 لە نێوان شاری قامیشلۆ و حەسەکە لە رۆژئاوای کوردستان روویداوە.

بەگوێرەی زانیارییەکان، پاسەکە خاوەندارییەتییەکەی دەگەڕێتەوە بۆ کۆمپانیایەکی گواستنەوە و ئەو کەسانەی گیانیان لەدەستداوە دوو کارمەندی کۆمپانیاکە و هاوڵاتییەک بووە، لەگەڵ ئەوانیشدا 20 کەس بریندار بوون و گەیەندراونەتە نەخۆشخانە بەمەبەستی وەرگرتنی چارەسەر.