دەست بە دابەشکردنی بەشە خۆراکی مانگانەی هاووڵاتیان زیادکراو کراوە

بەڕێوبەری دابەشکردنی خۆراکی مانگانە لە دھۆک ووتی، دەست بە دابەشکردنی خۆراکە زیادکراوەکانی بەشە خۆراکی مانگانە کراوە، کە سێ ماددەی خۆراکین، ئەوانیش نۆک و فاسۆلیا و ئاوی تەماتەیە.

نیھاد حسێن، بەڕێوبەری دابەشکردنی خۆراک لە پارێزگای دھۆک، ڕایگەیاند : "ھۆکاری دواکەوتنی ئەو ماددە خۆراکییانەی کە لە بەشەخۆراکی مانگانە زیاد کراون بۆ ئەوە دەگەڕێتەوە کە ھەندێک کێشە ھەبوون و پارەی وەبەرھێنەر نەدرابوو ئەویش چارەسەر کرا و ئێستا دەست بە دابەشکردنی خۆراکە زیادکراوەکان کراوە، کە سێ ماددەیە؛ فاسۆلیا و نۆک و ئاوی تەماتە.''

نیھاد حسێن ووتیشی: ''ماددە زیاکراوەکان ئێستا لە سنووری دھۆک دابەش دەکرێت و تا ھەفتەی داھاتوو دەگاتە زۆرینەی ناوچەکانی سنووری دھۆک، چوونکە ئێستا لە ناوچە شاخاوییەکان دەستمان پێ کردووە.''

حسێن باسی لەوەش کرد: "پێشتر سێ ماددەی خۆراک دەدرا، ئەوانیش زەیت و برنج و شەکر بوو، بەڵام ئێستا سێ ماددەی دیکە لە بەشەخۆراکی مانگانە زیاد کراوە و دابەش دەکرێت.''