نێچیرڤان بارزانی سهرۆكى ههرێمى كوردستان لهگهڵ باڵیۆزى بهریتانیا كۆبووهوه
پەیامی کورد ... نێچیرڤان بارزانی سهرۆكى ههرێمى كوردستان لهگهڵ باڵیۆزى بهریتانیا كۆبووهوه
ئهمڕۆ سێشهممه 2022/10/18 له ههولێر، نێچیرڤان بارزانى، سهرۆكى ههرێمى كوردستان له كۆبوونهوهیهكدا لهگهڵ مارك برایسۆن ریچاردسۆن باڵیۆزى شانشینى یهكگرتوو له عێراق و شاندێكى یاوهرى، دهربارهى دوایین پێشهاتهكان و پرۆسهى سیاسى له عێراق، ههڵبژاردنى سهركۆمار و ئهركداركردنى سهرۆك وهزیرانى ڕاسپێردراو بۆ پێكهێنانى حكوومهتى نویى فیدراڵى، بیروڕایان گۆڕییهوه.
سهرۆك نێچیرڤان بارزانى دووپاتى كردهوه كه گرینگه حكوومهتى نوێى عێراق كاره لهپێشینهكانى دهستنیشان بكات و خزمهتگوزارى و دهرفهتى كار پێشكهش بكات، دهرفهتیشى ههیه ههندێك له كێشهكانى وڵات چارهسهر بكات، ههروهها لایهنه عێراقییهكان لهسهر بنهماى بهرژهوهندی باڵاى ووڵات دهبێ ستراتیژى بیر بكهنهوه و پێكهوه كار بۆ چارهسهركردنى كێشهكان و گێڕانهوه و پاراستنى سهقامگیرى بكهن.
دۆخى ناوخۆى ههرێمى كوردستان تهوهرێكى دیكهى كۆبووونهوهكه بوو، تیایدا جهخت له گرنگی پاراستنى تهبایى و یهكڕیزی نێوان لایهن و پێكهاتهكانى ههرێمى كوردستان كرایهوه، ههردوولاش هاوڕا بوون كه له بوارى دیموكراسیدا وڵاتانى دۆست و كۆمهڵگهى نێودهوڵهتى له نزیكهوه چاودێریى عێراق و ههرێمى كوردستان دهكهن و چاوهڕوانییان ههیه بهربهست و كێشهكانى بهردهم ئهنجامدانى ههڵبژاردن چارهسهر بكرێن.
پهیوهندییهكانى عێراق و ههرێمى كوردستان لهگهڵ بهریتانیا و دهرفهتى فراوانكردنى هاریكاریى هاوبهشى نێوانیان بهتایبهتى له بوارى كار و وهبهرهێناندا، پهیوهندییهكانى عێراق و ههرێمى كوردستان لهگهڵ وڵاتانى دراوسێ و ناوچهكه، دۆخى ناوچهكه بهگشتى و چهند پرسێكى دیكهى جێى بایهخى هاوبهش، تهوهرێكى دیكهى كۆبوونهوهكه بوو كه بهڕێز كونسوڵى گشتیى شانشینى یهكگرتوو له ههرێمى كوردستان، ئامادهى بوو.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە