ههندرێن محهمهد : دوای ڕاگهیاندنی ئهنجامهكان له ماوهی 15 ڕۆژ پهرلهمان كۆدهبێتهوه
پەیامی کورد ... ههندرێن محهمهد : دوای ڕاگهیاندنی ئهنجامهكان له ماوهی 15 ڕۆژ پهرلهمان كۆدهبێتهوه
سهرۆكی كۆمیسیۆنی ههڵبژاردنهكانی ههرێمی كوردستان ئاماژهی بۆ ئهوه كرد: دوای پهسهندكردنی ئهنجامی كۆتایی ههڵبژاردن له ماوهی پازده ڕۆژ پهرلهمان كۆ دهبێتهوه.
ههندرێن محهمهد، سهرۆكی كۆمیسیۆنی ههڵبژاردن و ڕاپرسی له ههرێمی كوردستان ڕایگهیاند : بهپێی یاسا دوای ڕاگهیاندنی ئهنجامی كۆتایی ههڵبژاردنی 20ی ئۆكتۆبهر، ماوهی سێ ڕۆژ دهرفهت دهدرێت به لایهنهكان بۆ تانهدان له ئهنجامی ههڵبژاردن، دواتر تانهكان ڕهوانهی دادگای كۆمیسیۆن دهكرێن و لهماوهی حهفتهیهكدا یهكلا دهكرێنهوه.
بهرپرسی كۆمیسیۆن ووتی: دوای ئهنجامهكانی كۆتایی، پێویستە له ماوهی پازده ڕۆژ خولی نوێی پهرلهمانی كوردستان یهكهم كۆبوونهوهی خۆی بهڕێوه ببات و دهستهی سهرۆكایهتی پهرلهمانیش ههڵبژێردرێت.
ههندرێن محهمهد ووتی : پێم وایه دهستهی سهرۆكایهتی پهرلهمان دیاری دهكرێت و لایهنهكان دهگهنه ڕێكکهوتن، چوونكه خهڵك دهنگی به لایهنهكانی بهشداربووی ههڵبژاردن داوه بۆ ئهوهی پهرلهمان دهست به كارهكانی بكات، بۆیە گهشبینم دهستهی سهرۆكایهتی پهرلهمان ههڵدهبژێردرێت.
هەواڵە گرنگەکان
هەواڵە پەیوەندیدارەکان
- 10 ديسمبر 2020
سەرۆک بارزانی پێشوازی له محهمهد تۆفیق دهکات
- 10 فبراير 2026
هێشتا لێدوان نییە. یەکەمین لێدوان بنووسە!
لێدوانی خۆت بنووسە