کەرکووک/ خۆکوژێک پێش کردەوە تیرۆریستییەکەی کوژرا

پەیامی کورد … کەرکووک/ خۆکوێک پێش کردەوە تیرۆریستییەکەی کوژرا

خۆكوژێك هەوڵیدا خۆی بكات بەناو بارەگای بەڕێوەبەرایەتی ئاسایشی نیشتمانی لە كەركوك، بەڵام لەلایەن پاسەوانەكانەوە تەقەی لێكرا و بەهۆی ئەوەشەوە تەقیەوە و دوو پاسەوان بریندار بون.

سەرچاوەكانی هەواڵی عێراقی لە زاری سەرچاوە ئەمنییەكانەوە بڵاویانكردووەتەوە: خۆكوژێك هەوڵی داوە هێرش بكاتە سەر بارەگای بەڕێوەبەرایەتی ئاسایشی نیشتمانی لە كەركوك كە دەكەوێتە ناوەڕاستی شارەكە.

ئەوەش هاتوە، بەڵام لەلایەن پاسەوانەكانی بارەگاكە هەستی پێكراوە و تەقەی لێكراوە، ئەوەش بوەتە هۆی تەقاندنەوەی لە دەرەوەی پەرژینی بارەگاكە. خۆکوژەکە کوژراوە بەڵام ناسنامەی نادیارە.

بەپێی زانیاریەكان، بەهۆی تەقینەوەكەوە دوو ئەندامی پاسەوانی بەڕێوەبەرایەتییەكە بریندار بون.