له‌ باشووری به‌غدا هێرش كرایه‌ سه‌ر حه‌شدی شه‌عبی

 چه‌ند چه‌كدارێكی نه‌ناسراو هێرشیان كرده‌ سه‌ر خاڵێكی پشكنینی چه‌كدارانی حه‌شدی شه‌عبی له‌ باشووری به‌غدا

به‌غداد ئه‌لیۆم بڵاوی کردەوە کە سه‌رچاوه‌یه‌كی ئه‌منی به‌رپرس پێیان راگه‌یاندووە: ئه‌مرۆ یه‌ك شه‌ممه‌ 25-2-2018 چه‌ند چه‌كدارێكی نه‌ناسراو هێرشیان كردۆته‌ سه‌ر خاڵێكی پشكنینی هێزه‌كانی حه‌شدی شه‌عبی له‌ ناوچه‌ی له‌تیفییه‌ له‌ باشووری به‌غدا و دوو چه‌كداری ئه‌و گرووپه‌یان بریندار كردووه‌.

سه‌رچاوه‌كه‌ ئه‌وه‌شی راگه‌یاندووه‌: كه‌ دوای هێرشه‌كه‌ چه‌كداره‌ نه‌ناسراوه‌كان به‌ره‌و شوێنێكی نادیار هه‌ڵاتوون و برینداره‌كانیش ره‌وانه‌ی نه‌خۆشخانه‌ كراون.