به‌های تمه‌ن بۆ نزمترین ئاست دابه‌زی

پەیامی کورد... به‌های تمه‌ن بۆ نزمترین ئاست دابه‌زی

ئه‌مڕۆ چوارشه‌م 15ی شوباتی 2023، جارێكی تر دابه‌زی و ژماره‌ی پێوانه‌یی شكاند و گه‌یشته‌ نزمترین ئاست كه‌ له‌ مێژووی ئه‌و جۆره‌ دراوه‌دا تۆمار كرابێت.

به‌گوێره‌ی دواین زانیاریه‌كان نرخی دۆلار له‌ بازاڕه‌كانی تاران، 100 دۆلار به‌رامبه‌ر چوار ملیۆن و 640 هه‌زار تمه‌ن ده‌فرۆشرێت.

نرخی تمه‌ن به‌تایبه‌تی له‌وه‌ته‌ی ده‌ستپێكردنی خۆپێشاندانه‌كان له‌ سه‌ره‌تای پایزه‌وه‌‌، به‌رده‌وام رووی له‌ دابه‌زین بووه‌. دۆلار له‌ ده‌ستپێكی خۆپێشاندانه‌كان به‌ 30 هه‌زار تمه‌ن و له‌ سه‌ره‌تای ساڵی رابردووش به‌ 25 هه‌زار تمه‌ن ده‌فرۆشرا.

به‌و پێیه‌ تمه‌ن له‌وه‌ته‌ی ده‌ستپێكی خۆپێشاندانه‌كان واته‌ له‌ پێنج مانگی رابردوودا به‌ رێژه‌ی زیاتر له‌ 54%به‌های خۆی له‌ ده‌ست داوه‌.