بۆردومانی نەخۆشخانەیەكی عەفرین ١٦ قوربانی لێكەوتەوە

پەیامی کورد … بۆردومانی نەخۆشخانەیەكی عەفرین ١٦ قوربانی لێكەوتەوە

لە بۆردومانێكدا بۆ سەر نەخۆشخانەیەكی شاری عەفرین لە سوریا، ١٦ كەس گیانیان لەدەستدا كە ژمارەیەكیان پزیشك و كارمەندی نەخۆشخانەكەن.

ڕوانگەی سوری بۆ مافەكانی مرۆڤ بڵاویكردۆتەوە، بۆردومانی نەخۆشخانەیەكی عەفرین كراوەو بەهۆیەوە ١٦ كەس گیانیان لەدەستداوە.

ڕونیشكراوەتەوە، نەخۆشخانەكە ناوی (الشفا‌و) ەو ژمارەیەكیش بریندارن و تیمەكانی فریاگوزاری سەرقاڵی دەرهێنانەوەی بریندارەكانن لەژێر داروپەردووی ڕووخاوی نەخۆشخانەكەدا.

ڕوانگەكە ئەوەشی ئاشكراكردووە، لەناو قوربانیەكان پزیشكێك و ٣ ژن لە تیمی پزیشكی و٣ ژنی ترو منداڵێك و سەركردەیەكی گروپە چەكدارەكانیان تێدایە، ئەگەریشی هەیە ژمارەی ئەوانەی گیانیان لەدەستداوە زیاد بكات، چونكە برینی ژمارەیەك لە بریندارەكان سەختەو گواستراونەتەوە بۆ نەخۆشخانەكانی تر.