باڵیۆزخانەی ئەمریکا جارێکی دیکە لە ئەنقەرە کرایەوە
وتەبێژی باڵیۆزخانەی ئەمریکا لە ئەنقەرە وتی جارێکی دیکە دەرگاکانی دەکاتەوە و هەموو خزمەتگوزارییەکان وەکو هەمیشە بەردەوام دەبنەوە، ئەوەش دوای ئەوەی دوو ڕۆژ باڵیۆزخانەکە داخرا بەهۆی هەڕەشەی ئەمنییەوە.
"دەیڤد جینەر ووتەبێژی باڵیۆزخانەکە ئاماژەی کردووە " لە ڕۆژی چوارشەممەوە باڵیۆزخانەی ئەمریکا لە ئەنقەرە بەشێوەیەکی ئاسایی کارەکانی دەست پێ دەکاتەوە و هەموو خزمەتگوزارییەکانی پێشکەش دەکات ."
وتیشی " سوپاسگوزاری پشتیوانی بەردەوامی پۆلیسی وڵاتەکە دەکەین لە پاراستنی ئاسایشی دامەزراوەکانمان و کارمەندەکانماندا."
جێیگای ئاماژەیە پۆلیسی تورکیا ڕۆژی دووشەممە چوار هاووڵاتی عێراقی دەستگیرکرد بە تۆمەتی ئەوەی گومانی ئەوەیان لێدەکرا پلانیان گێڕابێت بۆ هێرشکردنە سەر باڵیۆزخانەی ئەمریکا لە ئەنقەرە.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە