بەپەلە ... ساس پاریس داگیر دەکات

پەیامی کورد    ...    ساس پاریس داگیر دەکات 

هێرشی جۆرێک لە حەشەرات بە ناوی ساس بۆ شاری پاریس پایتەختی فەڕەنسا ، کێشەیەکی نوێی بۆ موسافران و شاروەندانی ئەم شارە بەدی هێناوە .

بە پێی ڕاپۆرتێک ،بە دوای زیاد بوونی هێرشی حەشەرەی " ساس " لە پایتەختی فەڕەنسا و هەروەها ئازار و ئەشکەنجەی موسافران و شاروەندانی فەڕەنسەوەی ، دەوڵەتی ئەم وولاتە کەمپەینێکی لە دژی تەختەکانی نووستن و هەروەها قەنەفە ە مۆبیلیاتی هۆتێلەکان خستووەتە ڕێ .

بنکەی هەواڵی ئێندیپێندێنت لە ڕاپۆرتێکدا ڕایگەیاند ئەم حەشەراتانە لە دەیەکانی ٥٠ میلادییەوە لە فەڕەنسا لە ناو چوون بەڵام بەم دواییانە بە هۆی زیاد بوونی موسافران لەم ووڵاتەدا و مقاوم بوون و بە هێزبوونی ئەم جۆرە لە حەشەراتانە بە ئەو ژەهرانەی کە لە دژیان بە کار دێت جارێکی دیکە بەرەو زیاد بوونی لە ڕادەبەدەر چووە .

بە پێی ڕاپۆرتی وێبسایتی زانیاری ، ئەو ژوور و هۆدانەی کە مۆبیلیات و تەختی نووستنی تێدایە زیاتری مەترسی ساسی تێدایە ئەمەش بە هۆی تاریکی شوێنە باشترین شوێنە بۆ ئەوەی لەوێ زیاد ببن .

هەروەها بە پێی ئەم هەواڵە هاتووە کە ئەم حەشەراتانە بە قەدەر بەزرێکی چاندنە و لە خێنی مرۆڤەکان خۆی بە خێو دەکات ، هەر بۆیە جێگای پێوەدانەکەی سوور هەڵدەگەرێت و تووشی خوڕان دەبیت . جێگای ئاماژەیە ئەم حەشەرەیە دەتوانێ بە بێ خواردن بۆ ماوەی ٩٠ ڕۆژ زیندوو بمێنێت .