بەپەلە ... + دەنگ ... مەلا بەختیار كۆمەڵێك دۆسیەی هەستیار لە سنووری دەسەڵاتی یەكێتی ئاشكرا دەكات

پەیامی کورد   ...   مەلا بەختیار كۆمەڵێك دۆسیەی هەستیار لە سنووری دەسەڵاتی یەكێتی ئاشكرا دەكات

لە تۆمارێكی دەنگی دزەپێكراودا، مەلا بەختیار كۆمەڵێك دۆسیەی هەستیاری سنووری دەسەڵاتی یەكێتی ئاشكرا دەكات و دەڵێت: ئێستا حزبایەتی نەماوە و میللیشیا و پیاوكوژ و گومروک یان هەیە و باندەكانیان شەوانە ئیش دەكات و باس لەوە دەكات، لە كوردستاندا دووبەرە درووست بووە، ئەوانیش، بەرەی گەل و بەرەی دەسەڵاتە.
مەلا بەختیار، ئەندامی ئەنجوومەنی باڵای بەرژەوەندییەكانی یەكێتی لە تۆمارێكی دەنگی دزەپێكراودا دەڵێت: ئێستا لە كوردستاندا دووبەرە درووست بووە، بەرەی گەل، بەرەی دەسەڵات، هیچ گومانێك نەماوە بەرەی دەسەڵات خەریكی دزی و گەندەڵییە و مۆراڵی سیاسییان نەماوە، حزبایەتی نەماوە و میللیشیا و پیاوكوژ و گومروک یان هەیە و باندەكانیان شەوانە ئیش دەكات.
لەو تۆمارەدا كە نازانرێت مێژووەكەی بۆ كەی دەگەڕێتەوە دەڵێت: "تەنها پێرێ شەو لە مەرزی باشماخ 11 ملیۆن دۆلاریان دەستكەوتووە کە لەنێوان بەشێک لە حزبەکانی سنورەکە و شەخسی ناو حزبەکاندا لە یەک شەودا دابەشکراوە"، ئەوان گەندەڵییەكانیان گەیشتووەتە ئەم ئاستە بۆیە لە هەموو ڕەخنەیەك دەترسن و ئۆپۆزسیۆنیان قەبوڵ نییە کە لە تۆمارە دەنگیەکەدا مەلا بەختیار خۆی بە "ئۆپۆزسیۆن" دەناسێنێت.