بە ئامادەبوونی سەرۆکی هەرێم خولی ٢٦ەمینی ئەفسەران لە ئەكادیمیای زاخۆ به‌ڕێوه‌ده‌چێت

پەیامی کورد    ...   بە ئامادەبوونی سەرۆکی هەرێمی کوردستان، خولێكی ئەفسەری لە ئەكادیمیای سەربازی زاخۆ تەواو دەبێت و بەڕێوبەری رۆشنبیری و ھۆشیاری نیشتیمانی لە وەزارەتی پێشمەرگەش دەڵێ، ئەو ئەفسەرانەی بەشداری ئەو خولەیان كردووە، لە ملازمەوە تا عەمیدیان تێدایە.

لیوا بابەكر فەقێ ئەحمەد پشدەری، بەڕێوبەری رۆشنبیری و ھۆشیاری* نیشتیمانی لە وەزارەتی پێشمەرگە، لە لێدوانێكیدا رایگەیاند، ئەمڕۆ خولی ٢٦ەمینی دەرچوونی دەیان ئەفسەری بەشداربوو لە ئەكادیمیای سەربازیی زاخۆ بەڕێوە دەچێت، كە ٩ مانگ بەردەوام بووە، ئاماژەی بەوەش دا، بەشدارانی خولەكە لە ئەفسەی ملازم هەتا پلەی عەمیدیان تێدایە، كە سەر بە یەكەی ٨٠ و وەزارەتی پێشمەرگەن.

ناوبراو ڕوونی كردەوە، كە دوای دەرچوونی ئەفسەرەكان لە ئەكادیمیایەكە، دەگەڕێنەوە شوێنەكانی خۆیان و لە كاتی تەشكیلاتیشدا سوود لەو ئەفسەرانە وەردەگیرێت، بەو پێیەی ئەفسەری ئەكادیمین، لە ماوەی ئەو خولە ئەكادیمییەی بینیویانە، راهێنانیان لەسەر كۆی سیستەمی سەربازی لەو كۆلێژەدا پێ كراوە، هاوكات وانەكانی چەكناسی و هەموو ئەو وانانەی لە كۆلێژی سەربازیدا هەن خوێندوویانە چ بە كرداری چ بە تیۆری.