بڕیاری خەرجکردنی شایستەداراییەکانی جوتیاران بۆ ساڵی ٢٠٢٠ درا

پەیامی کورد … بڕیاری خەرجکردنی شایستەداراییەکانی جوتیاران بۆ ساڵی ٢٠٢٠ درا

وەزارەتی بازرگانی و پیشەسازی حکومەتی هەرێم رایگەیاند، سەرەتای هەفتەی داهاتوو سەرجەم شایستە داراییەکانی جوتیاران بۆ ساڵی ٢٠٢٠ خەرجدەکرێت.

ئەمڕۆ چوارشەممە ٢ی حوزەیرانی ٢٠٢١، نەوزاد شێخ کامیل بەرێوبەری گشتی بازرگانی لە وەزارەتی بازرگانی و پیشەسازی حکومەتی هەرێم لە راگەیەندراوێکدا باسی لەوەکرد، شایستە داراییەکانی جوتیاران لەلایەن وەزارەتی بازرگانی بەغداوە بەشێوەی چەکی بانکی رەواونەی هەرێم کراوە و بەپێی شارەکان شایستە داراییەکان دیاریکراون، دەشڵیت، "سەرەتای هەفتەی داهاتوو دەست بەدابەشکردنی دەکرێت". 

لەراگەیەندراوەکەی وەزارەتی بازرگانیشدا، بەم شێوەیە و سەرەتای هەفتەی داهاتوو بەپێی شارەکان دابەشکردنی شایستەداراییەکان بۆ جوتیاران دەستپێدەکات:  

سلێمانی:-

بیست وسێ ملیارو حەوت سەدو پەنجا ملیۆن دینارە .

هەولێر:-

یازدە ملیارونۆسەد و حەوت ملیۆن دینارە .

دهۆک:-

دە ملیار وحەوت سەد وشەست و پێنج ملیۆن دینارە .