دابەشکردنی سێ مووچەی وەزارەتی پیشمەرگە دەستی پێکرد

پەیامی کورد … دابەشکردنی سێ مووچەی وەزارەتی پیشمەرگە دەستی پێکرد

وەزارەتی پێـشمەرگەی حکومەتی هەرێم ڕایگەیاند دوای چاوەڕوانیەکی زۆر ئەمڕۆ 1 ی نیسان دەستکرا بەدابەشکردنی ٣ موچەی لیواکانی پیادەی وەزارەتی پێشمەرگە.

ئەوە لەکاتێکدایە لە چەند رۆژی ڕابردوودا نوێنەری هاوپەیمانان سەردانی وەزارەتی پێشمەرگەی کرد و ڕایگەیاند کێشەی ناردنی موچەی پێشمەرگەی لیواکان چارەسەرکراوە.

لە چەند مانگی ڕابردوودا ئەمریکا بڕیاریدا موچەی هەر چواردە لیوا هاوبەشەکەی وەزارەتی پێشمەرگە بدات بەبێ لێبڕین بدات و بۆ ئەوەش وەک هەنگاوی یەکەم بڕیاریدا موچەی مانگەکانی یانزە و دوانزەی ساڵی ڕابردوو و شوباتی ئەمساڵ پێکەوە دابەشبکات.

بەڵام ناردنی پارەکە لە ئەمریکاوە بۆ سەر هەژماری بانکی وەزارەتی پێشمەرگە ماوەی دوو مانگ دواکەوت و سەرئەنجام ئەمڕۆ توانرا سێ موچەکەیان پێکەوە بەسەردا دابەشبکرێت.