دام و دەزگاکانی زانیاری هۆشداری دەدەن لە تۆڵە سەندنەوەی گرووپە تیرۆریستییەکان لە سەر کوژرانی " حەمزە بن لادەن "

پەیامی کورد   ...    هەندێک لە دامەزراوە زانیارییەکانی ئەورووپا دوای بڵاو بوونەوەی مردنی کوڕی بن لادەن سەبارەت بە تۆڵە سەندنەوەی دەرەوەی سنوورەکانی لە لایەن گرووپگەلی تیرۆریستییەوە هۆشدارییان دا .

بە پێی ڕاپۆرتێک لە ڕۆژنامەی ساندی میرێر ، دامەزراوەگەلی زانیاری ئەورووپا بە دوای دەستڕاگەیشتنن بە چەندین بەشی ناوەکی گرووپی القاعدە ەوە تاکوو لە تۆڵە سەندنەوە و تووڕەیی تیرۆریستەکان پێشگیری بکەن .

شرۆڤەکارێکی ئەمنییەتی – زانیاری ڕایگەیاندووە : حەمزە بن لادەن کەسێکی بێ ئەزموون بوو بەڵام ئەویان وەکوو بەشێک لە بە ناوبانگترین مۆفەکیری تیرۆری جیهانی دەناسی .

بە ووتەی ئەو ، گرووپی تیرۆریستی القاعدە تەنانەت بە بێ ئامادەبوونی حەمزە بن لادەن بۆ ووڵاتانی ئەورووپایی مەترسییەکی جیددی و ئاشکرا هەژمار دەبێت .

ئەم شرۆڤەکاری زانیارییە هەروەها دەڵێ : ئۆسامە بن لادەن هیوادار بوو کە ڕۆژێک حەمزە ، ببێتە ڕابەری القاعدە .

کەناڵی ئەمریکی " ئێن بی سی " نیووز بە پشت بەستن بە سەرچاوەگەلی زانیاری ئەم ووڵاتە لە ئەگەری مردنی حەمزە کوڕی ئۆسامە بن لادەن ڕابەری القاعدە هەواڵی دا .

لەم ڕاپۆرتەدا هاتبوو کە بەرپرسانی ئەمریکی ووردەکارگەلێک لە شوێن و کاتی دەقیقی کوژرانی حەمزە بن لادەن یا خود ڕۆڵێک کە واشینتۆن لە کوژرانی ئەودا هەبووە ، هیچ زانیارییەکیان نەداوە .

وەزارەتی خەزانەداری ئەمریکا ڕایگەیاند : ڕادەست کردنی زانیاری کە بوو بە هۆی دەستبەسەرکردنی حەمزە بن لادەن ، یەک میلیۆن دۆلار پاداشتی لەگەڵ دا بوو .

حەمزە هەڕەشەی لە ئەمریکا کردبوو کە بۆ تۆڵەسەندنەوەی خوێنی باوکی ئۆسامە بن لادەن ، هێرش دەکاتە سەر ویلایەتەیەکگرتووەکان .

حەمزە لە دایک بووی ساڵی ١٩٨٩ بە ناسنامەی عەرەبستانی سەعوودی و زاوای " موحەمەد عەتا " ڕفێنەری سەرەکی و مێشکی هەرە زیرەکی هێرشەکان بۆ سەر تاوەرەکانی دوو قولی ناوەندی تیجاری جیهانی بوو