وەزارەتی تەندروستی: نەخۆشخانەکان جارێکی دیکە پڕ بوون

پەیامی کورد … وەزارەتی تەندروستی: نەخۆشخانەکان جارێکی دیکە پڕ بوون

وتەبێژی وەزارەتی تەندروستی هۆشداری لەبارەی دۆخی كۆرۆناوە دەدات و رایدەگەینێت،"حاڵەتی خراپمان زۆرە و نەخۆشخانەکان جارێکی دیکە پڕبوون".

ئەمرۆ پێنجشەممە ١٨ی ئاداری ٢٠٢١، د. ئاسۆ حەوێزی، وتەبێژی وەزارەتی تەندروستی رایگەیاند،"  بەداخەوە دۆخی كۆرۆنا لە هەرێم خراپە و بەرە و مەترسیی زیاتر دەچێت، حاڵەتی خراپمان زۆرە و نەخۆشخانەکان جارێکی دیکە پڕبوون لە نەخۆش".

ئاماژەی بەوەشدا،"هۆکاری ئەمە بۆ ئەوە دەگەڕێتەوە، هەموو شوێنەکان کراونەتەوە و پابەندبوون بە رێنماییەکان زۆر کەمە".

به‌پێی دوایین ئاماری وه‌زاره‌تی ته‌ندروستی ،تا ئێستا ١١٣ هەزار و ٩٩٨ کەس له‌ هه‌رێمی كوردستان تووشی كۆرۆنا بوون، لەو ژمارەیەش ١٠٦ هەزار و ٩٢ کەس چاکبوونەتەوە و سێ هه‌زار و ٥٧٧ کەسیش به‌هۆی ڤایرۆسه‌كه‌وه‌ گیانیان لەدەستداوە.