خەڵکی ئێران دوای وێنزوئێلا چارەڕەشترین خەڵکی دونیا بە ئەژمار دێن

پەیامی کورد ... خەڵکی ئێران دوای وێنزوئێلا چارەڕەشترین خەڵکی دونیا بە ئەژمار دێن

هەڵاوسان، گرانی، گەندەڵیی ماڵی، دۆخی خراپی ئابووری، کێشە کۆمەڵایەتیییەکان، کەلێنی قووڵی چینایەتی و گەمارۆوە ئابوورییەکانی ئەمریکا، ئێرانیان گەیاندووەتە پلەی دووەمی وڵاتانی چارەڕەش لە ئاستی جیهاندا.

بەپێی پێوەری جیهانیی چارەڕەشی، وێنزوئێلا بە ڕێژەی ٤/٧٩ـ  پلەی یەکەم، ئێران بە ڕێژەی ٦/٦١ـ  پلەی دووەم و سێربستان بە ڕێژەی ٨/٤٤ـ  پلەی سێیەم لە ڕیزبەندیی ئەو پێوەرەدایە.

بەپێی ئەو پێوەرە هەر کام لە وڵاتانی ژاپۆن، قەتەر، ئاڵمان و ئەمریکا لە ڕیزبەندی باشترین وڵاتانی جیهاندان کە هەڵاوسانی ئابوورییان زۆر کەمە و بێکاری لە نزمترین ئاستی خۆیدایە.

هەروەها وڵاتانی وەکوو فەلەستین، تورکیا و پاکستان سەرەڕای بوونی شەڕ و نائارامی و گەمارۆی ئابووری لەسەر وڵاتەکەیان، پێوەری چارەڕەشییان لە ئاستێکی باشدایە.

پێوەری چارەڕەشی بەپێی کۆی نرخی هەڵاوسان و نرخی بێکاری دیاری دەکرێت.